Өскүс салым көрбээн даа болзумза, өскүс арткан дуңмаларымга болгаш өртемчейге кижи болуп чаяттынгаш, кымдан артык эргим ынак, ада–иезин көрбейн, эрте чаш назынында оларын чидирип, өзүп келген, өскүс салым көрүп чурттап чоруур эш–өөрге, чоннумга тураскаадып «ӨСКҮС САЛЫМ» деп ырымны чогаадып доостум. Дыңнакчыларым, силерниң ынакшылыңарны, бедик үнелелиңерни чалап алырынга идегеп артым🙏🙏🙏.
_______ «ӨСКҮС САЛЫМ»________
Өзүп келген бичии уруг
Өскүс салым көрүп өскен
Авай деп сөс адап чорбаан
Ачай деп сөс көңгүс билбес
Өөрүшкү чок, чашкы үе
Өскүжеге көрүп келген
Авай, ачай чоктап чор мен
Чуруктардан көрүп чор мен
Азыглары элей берген
Эргим чылыг, эрги чурук
Авазы даа, ачазы даа
Өөрүшкүлүг ында орлар
Илби-шиди турган болза
Диргизиптер арга болза
Авай, ачай чоктап чор мен
Чуруктардан көрүп чор мен
Өскүс чаштар чуртаар бажың
Өскүс салым, өскүс чаштар
Өөрүшкүнү экеп берип
Бурган Башкы карактап чор...
Авазы бар, ачазы бар
Ажы–төлдү олар коргеш
Карактарда карак чажы
Бүдүү ыглап чоруурлар боор
